პროექტი CIVICUS - სამოქალაქო საზოგადოების კვლევა საქართველოში
პროექტის კოორდინატორი პაატა გურგენიძე
ხანგრძლივობა 1.10.2008-30.09.2009
დონორი ფონდი ღია საზოგადოება საქართველო
აღწერა
კავკასიური ინსტიტუტმა ფონდი ღია საზოგადოება საქართველოს მხარდაჭერით დაიწყო სამოქალაქო საზოგადოების კვლევის პროექტის განხორციელება. აღნიშნული პროექტის მიზანია სამოქალაქო საზოგადოების საფუძვლიანი კვლევა და მისი მომავალი განვითარებისთვის სამოქმედო გეგმის შემუშავება. კვლევა ხორციელდება სივიკუსის (მსოფლიო ალიანსი მოქალაქეთა მონაწილეობისთვის www.civicus.org) სამოქალაქო საზოგადოების ინდექსის მეთოდოლოგიით, რომელიც გულისხმობს სამოქალაქო საზოგადოების შემდეგი განზომილებების მიხედვით შეფასებას: სამოქალაქო ჩართულობა, ინსტიტუციონალიზაციის ხარისხი, ღირებულებები, გავლენა და გარემო.
მეთოდოლოგია გულისხმობს თვისობრივი და რაოდენობრივი კვლევების ჩატარებას, მიღებული მონაცემების საფუძველზე დაიწერება საქართველოს ანგარიში და ასევე policy brief, რომელიც განვითარების რეკომენდაციები იქნება ჩამოყალიბებული.
პროექტში შეიქმნა მრჩეველთა საბჭო, რომელის 12 წევრი ქართული სამოქალაქო საზოგადოებსი განსხვავებულ ჯგუფებს წარმოადგენენ. პროექტში საბჭოს მოვალეობაა ზოგადი ზედამხედველობა გაუწიოს პროექტის მიმდინარეობას, გაეცნოს პროექტის ფარგლებში ჩატარებული კვლევის შედეგებს და მათზე დაყრდნობით შეაფასოს სამოქალაქო საზოგადოება მეთოდოლოგიით გათვალისწინებული ინდიკატორების მიხედვით, მონაწილეობა მიიღოს სამოქალაქო საზოგადოების განვითარების რეკომენდაციების შემუშავებაში და ხელი შეუწყოს პროექტის შედეგების შესახებ ინფორმაციის გავრცელებას.
პროექტი დასრულდება 2009 წელს. კვლევის შედეგები და policy brief დაიბეჭდება ქართულ და ინგლისურ ენებზე. პროექტის ბოლო ეტაპზე დაგეგმილია კონფერენციის ჩატარება.
უკან დაბრუნება..
